Juan 1:18-20

Magandang Balita Biblia (with Deuterocanon)

¹⁸ Kailanma'y wala pang taong nakakita sa Diyos, ngunit ang natatanging Diyos^[a] na pinakamamahal ng Ama, ang nagpakilala sa Ama.

Ang Patotoo ni Juan na Tagapagbautismo^(A)

¹⁹ Ang mga pinuno ng mga Judio sa Jerusalem ay nagsugo ng mga pari at Levita upang itanong kay Juan kung sino nga ba siya. ²⁰ Hindi nagkaila si Juan; sa halip ay maliwanag niyang sinabi, “Hindi ako ang Cristo.”