Juan 11:29-31

Ang Bagong Tipan: Filipino Standard Version

²⁹ Nang marinig ito ni Maria, nagmadali siyang tumayo at pinuntahan si Jesus. ³⁰ Hindi pa nakararating si Jesus sa nayon, naroon pa lang siya sa lugar na kinasalubungan sa kanya ni Marta. ³¹ Nakita ng mga Judiong kasama ni Maria sa bahay at umaaliw sa kanya na nagmadali siyang tumayo at umalis. Kaya sinundan nila si Maria sa pag-aakalang pupunta siya sa libingan para tumangis doon.