Juan 11:31-33

Ang Salita ng Dios (Tagalog Contemporary Bible)

³¹ Nang makita ng mga nakikiramay na Judio na tumayo si Maria at dali-daling lumabas, sinundan nila siya sa pag-aakalang pupunta siya sa libingan upang doon manangis.

³² Pagdating ni Maria sa kinaroroonan ni Jesus, lumuhod siya sa harap nito at sinabi, “Panginoon, kung narito lang kayo ay hindi sana namatay ang kapatid ko.” ³³ Nabagbag ang puso ni Jesus^[a] at naawa siya nang makita niyang umiiyak si Maria, pati na ang mga kasama nitong mga Judio.