Juan 11:53-55

Ang Bagong Tipan: Filipino Standard Version

⁵³ Kaya’t mula sa araw na iyon, nagbalak silang patayin si Jesus. ⁵⁴ Dahil dito, hindi na naglakad nang hayagan sa Judea si Jesus. Mula roon, nagpunta siya sa isang bayang tinatawag na Efraim, isang bayang malapit sa ilang. Nanatili siya roon kasama ang kanyang mga alagad.

⁵⁵ Malapit na noon ang pista ng Paskuwa ng mga Judio, at maraming nagpunta sa Jerusalem mula sa kanayunan bago mag-Paskuwa upang maglinis ng mga sarili ayon sa kautusan.