Juan 13:26-28

Ang Salita ng Dios (Tagalog Contemporary Bible)

²⁶ Sumagot si Jesus, “Kung sino ang bibigyan ko ng tinapay na isinawsaw ko, siya iyon.” Kaya kumuha si Jesus ng tinapay at matapos isawsaw ay ibinigay kay Judas na anak ni Simon Iscariote. ²⁷ Nang matanggap ni Judas ang tinapay, pumasok sa kanya si Satanas. Sinabi ni Jesus sa kanya, “Gawin mo na agad ang gagawin mo.” ²⁸ Hindi naintindihan ng mga kasalo sa hapunan kung bakit sinabi iyon ni Jesus.