Juan 13:26-28

Magandang Balita Biblia

²⁶ “Siya ang taong aabután ko ng tinapay na aking isinawsaw,” sagot ni Jesus. Nagsawsaw nga siya ng tinapay at ibinigay iyon kay Judas na anak ni Simon Iscariote. ²⁷ Nang matanggap ni Judas ang tinapay, pumasok sa kanya si Satanas. Sinabi ni Jesus kay Judas, “Gawin mo kaagad ang dapat mong gawin.” ²⁸ Walang sinuman sa mga kasalo ni Jesus ang nakaunawa kung bakit niya sinabi iyon.