Juan 3:29-31

Ang Bagong Tipan: Filipino Standard Version

²⁹ Ang kasama ng kasintahang babae ay ang lalaking ikakasal. Nakatayo ang kaibigan ng lalaking ikakasal at siya'y lubos na nagagalak dahil sa narinig na niya ang tinig ng lalaking ikakasal. Dahil dito'y lubos na rin ang aking kagalakan. ³⁰ Dapat siyang maitaas at ako nama'y maibaba.”

Ang Nagmula sa Langit

³¹ Siya na nanggaling sa itaas ang pinakamataas; siya na mula sa lupa ay kabilang sa lupa, at nagsasalita nang ayon sa lupa; siya na mula sa langit ang pinakamataas.