Juan 4:40-42

Ang Salita ng Dios (Tagalog Contemporary Bible)

⁴⁰ Kaya pagdating ng mga Samaritano kay Jesus, hiniling nila na manatili muna siya roon sa kanila. At nanatili nga siya sa kanila ng dalawang araw.

⁴¹ Dahil sa pangangaral niya, marami pa sa kanila ang sumampalataya. ⁴² Sinabi ng mga tao sa babae, “Sumasampalataya kami ngayon hindi lang dahil sa sinabi mo sa amin ang tungkol sa kanya, kundi dahil sa narinig namin mismo sa kanya. At alam naming siya nga ang Tagapagligtas ng mundo.”