Juan 6:5-7

Magandang Balita Biblia

⁵ Tumanaw si Jesus at nang makita niyang dumarating ang napakaraming tao, tinanong niya si Felipe, “Saan kaya tayo makakabili ng tinapay upang makakain ang mga taong ito?” ⁶ Sinabi niya iyon upang subukin si Felipe, sapagkat alam na niya ang kanyang gagawin.

⁷ Sumagot naman si Felipe, “Kahit na po halagang dalawandaang salaping pilak^[a] ng tinapay ay di sasapat para makakain sila nang tigkakaunti.”