Juan 7:25-27

Magandang Balita Biblia (with Deuterocanon)

Siya na nga Kaya ang Cristo?

²⁵ Sinabi ng ilang taga-Jerusalem, “Hindi ba ito ang taong nais nilang patayin? ²⁶ Hayan! Lantaran siyang nagsasalita, ngunit wala silang sinasabi laban sa kanya! Baka naman alam na ng mga pinuno na siya nga ang Cristo! ²⁷ Ngunit pagdating ng Cristo ay walang makakaalam kung saan siya magmumula, subalit alam natin kung saan nagmula ang taong ito!”