Juan 8:25-27

Magandang Balita Biblia (with Deuterocanon)

²⁵ “Sino ka nga bang talaga?” tanong nila.

Sumagot si Jesus, “Sinabi ko na sa inyo noong simula pa lamang kung sino ako. ²⁶ Marami akong masasabi at maihahatol laban sa inyo. Ngunit totoo at dapat paniwalaan ang nagsugo sa akin, at ang narinig ko sa kanya ang ipinapahayag ko sa sanlibutan.”

²⁷ Hindi nila nauunawaan na ang Ama ang tinutukoy niya.