Juan 8:51-53

Magandang Balita Biblia

⁵¹ Pakatandaan ninyo: ang tumutupad ng aking salita ay hindi mamamatay kailanman.”

⁵² Sinabi ng mga Judio, “Ngayo'y natitiyak naming sinasapian ka nga ng demonyo. Namatay si Abraham at ang mga propeta, ngunit sinasabi mong hindi mamamatay kailanman ang sinumang tumutupad ng iyong aral. ⁵³ Mas magaling ka pa ba kaysa sa aming amang si Abraham? Siya'y namatay, gayundin ang mga propeta. Ano ba ang palagay mo sa iyong sarili?”