Mga Hukom 10:6-16

Ang Biblia (1978)

Ang Israel ay muling tumalikod sa Dios.

⁶ At ginawa uli ng ^(A)mga anak ni Israel ang kasamaan sa paningin ng Panginoon, at ^(B)naglingkod sa mga Baal, at kay Astaroth, at sa mga dios sa Siria, at sa mga dios sa ^(C)Sidon, at sa mga dios sa Moab, at sa mga dios ng mga anak ni Ammon, at sa mga dios ng mga ^(D)Filisteo; at pinabayaan nila ang Panginoon, at hindi naglingkod sa kaniya.

⁷ At ang galit ng Panginoon ay nagalab laban sa Israel, ^(E)at ipinagbili niya sila sa kamay ng mga Filisteo, at sa kamay ng mga anak ni ^(F)Ammon.

⁸ At kanilang pinahirapan at pinighati ang mga anak ni Israel nang taong yaon: labing walong taong pinighati ang lahat ng mga anak ni Israel na nangasa dako roon ng Jordan sa lupain ng mga Amorrheo, na nasa Galaad.

⁹ At ang mga anak ni Ammon ay tumawid sa Jordan upang lumaban naman sa Juda, at sa Benjamin, at sa sangbahayan ni Ephraim; na ano pa't ang Israel ay totoong pinapaghinagpis.

^10 (G)At dumaing ang mga anak ni Israel sa Panginoon, na sinasabi, Kami ay nagkasala laban sa iyo, sapagka't aming pinabayaan ang aming Dios, at kami ay naglingkod sa mga Baal.

¹¹ At sinabi ng Panginoon sa mga anak ni Israel, ^(H)Di ba pinapaging laya ko kayo sa mga taga Egipto, at sa mga ^(I)Amorrheo, sa mga anak ni ^(J)Ammon, at sa mga ^(K)Filisteo?

¹² Ang mga Sidonio man, at ang mga ^(L)Amalecita, at ang mga Maonita ay pumighati rin sa iyo; at kayo'y dumaing sa akin, at pinapaging laya ko kayo sa kanilang mga kamay.

¹³ Gayon ma'y pinabayaan ninyo ako, at kayo'y naglingkod sa ibang mga dios: kaya't hindi ko na kayo palalayain.

¹⁴ Kayo'y yumaon at ^(M)dumaing sa mga dios na inyong pinili; palayain kayo nila sa panahon ng inyong kapighatian.

¹⁵ At sinabi ng mga anak ni Israel sa Panginoon, Kami ay nagkasala: gawin mo sa amin anomang iyong ^(N)mabutihin; isinasamo namin sa iyo, na iligtas mo lamang kami sa araw na ito.

¹⁶ At kanilang inihiwalay ang ^(O)mga dios ng iba sa kanila, at naglingkod sa Panginoon: ^(P)at ang kaniyang kaluluwa ay nagdalamhati dahil sa karalitaan ng Israel.