Kawikaan 11:2-4

Ang Salita ng Dios (Tagalog Contemporary Bible)

² Ang taong mayabang ay madaling mapahiya, ngunit may karunungan ang taong mapagpakumbaba.
³ Ang pamumuhay nang may katapatan ang gagabay sa taong matuwid, ngunit ang taong mandaraya ay mapapahamak dahil hindi tama ang kanyang pamumuhay.
⁴ Ang kayamanan ay hindi makakatulong sa araw ng paghuhukom, ngunit ang matuwid na pamumuhay ay magliligtas sa iyo sa kamatayan.