Kawikaan 18:19-21

Ang Salita ng Dios (Tagalog Contemporary Bible)

¹⁹ Mas madali pang sakupin ang isang napapaderang bayan kaysa sa makipagbati sa kapatid^[a] na nasaktan.
    Kung paanong mahirap wasakin ang mga kandado ng tarangkahan ng palasyo, mahirap din pigilin ang alitan ng dalawang tao.
²⁰ Aanihin mo ang bunga ng iyong mga sinasabi.
²¹ Ang salita ng tao ay makapagliligtas ng buhay o kaya ay makamamatay. Kaya mag-ingat sa pagsasalita sapagkat aanihin mo ang mga bunga nito.