Levitico 24:17-22

Magandang Balita Biblia

¹⁷ “Ang^(A) sinumang pumatay ng kapwa ay papatayin din. ¹⁸ Kung hayop naman ang pinatay niya, papalitan niya iyon; kapag buhay ang inutang buhay rin ang kabayaran.

¹⁹ “Ang makapinsala sa kapwa ay pipinsalain din, tulad ng kanyang ginawa. ²⁰ Baling^(B) buto sa baling buto, mata sa mata, ngipin sa ngipin. Kung ano ang ginawa niya, gayundin ang gagawin sa kanya. ²¹ Ang makapatay ng hayop ng kanyang kapwa ay kinakailangang magbabayad ng hayop din, ngunit ang pumatay ng kapwa tao ay dapat patayin din. ²² Iisa^(C) ang batas na paiiralin sa mga katutubong Israelita at sa mga dayuhan. Ako si Yahweh, ang inyong Diyos.”