Levitico 16:29-31

Ang Biblia, 2001

Pagdaraos ng Araw ng Pagtubos

²⁹ “Ito'y^(A) magiging alituntunin magpakailanman para sa inyo: sa ikapitong buwan ng ikasampung araw ng buwan ay magpakasakit kayo sa inyong mga sarili,^[a] at huwag gagawa ng anumang gawain, ang mamamayan, ni ang taga-ibang bayan na nakatira sa inyong kalagitnaan.

³⁰ Sapagkat sa araw na ito, ang pari ay gagawa ng pagtubos sa inyo upang linisin kayo sa lahat ng inyong mga kasalanan; kayo ay magiging malinis sa harapan ng Panginoon.

³¹ Ito ay Sabbath na taimtim na kapahingahan sa inyo, at magpakasakit kayo;^[b] ito'y isang alituntuning magpakailanman.