Levitico 17:12-14

Magandang Balita Biblia

¹² Kaya nga, hindi ito dapat kainin ninuman, maging siya'y Israelita o dayuhan man.

¹³ “At kapag ang sinuman sa inyo, maging Israelita o dayuhan ay humuli ng hayop o ibong makakain, dapat niyang itapon ang dugo niyon at tabunan ng lupa. ¹⁴ Sapagkat ang buhay ng bawat hayop ay nasa dugo, kaya huwag kayong kakain ng dugo. Ang sinumang lumabag dito'y ititiwalag sa sambayanan.