Levitico 2:12-14

Magandang Balita Biblia

¹² Kung unang bunga naman ng halaman ang inyong ihahandog, huwag ninyo itong susunugin sa altar. ¹³ Titimplahan ninyo ng asin ang lahat ng handog na pagkaing butil. Huwag ninyong kakalimutang lagyan ng asin ang inyong handog na pagkaing butil sapagkat ang asin ay tanda ng inyong kasunduan kay Yahweh. Kaya lalagyan ninyo ng asin ang lahat ng handog. ¹⁴ Kung ang handog na pagkaing butil ay trigong mula sa unang ani, kailangang gilingin ito o isangag.