Levitico 27:30-32

Magandang Balita Biblia (with Deuterocanon)

³⁰ “Lahat^(A) ng ikasampung bahagi, maging binhi o bunga ng pananim ay nakalaan kay Yahweh. ³¹ Kung may nais tumubos sa alinman sa kanyang ikasampung bahagi, babayaran niya ito ayon sa itinakdang halaga nito maliban pa sa dagdag na ikalimang bahagi ng halagang iyon. ³² Isa sa bawat sampung alagang hayop ay nakalaan para kay Yahweh. Ang bawat ikasampung tupa o baka na mabibilang ay para kay Yahweh.