Leviticus 1:14-16

Ang Salita ng Dios (Tagalog Contemporary Bible)

¹⁴ Kapag ibon ang iaalay ng isang tao bilang handog na sinusunog para sa Panginoon, kinakailangang kalapati o batu-bato.^{[a] 15} Itoʼy dadalhin ng pari sa altar, pipilipitin niya ang leeg hanggang sa maputol at patutuluin ang dugo sa paligid ng altar. Ang ulo nito ay susunugin doon sa altar. ¹⁶ Pagkatapos, aalisin niya ang butsi at bituka^[b] nito, at ihahagis sa gawing silangan ng altar sa pinaglalagyan ng abo.