Leviticus 3:2-4

Ang Salita ng Dios (Tagalog Contemporary Bible)

² Ipapatong niya ang kanyang kamay sa ulo ng baka na ihahandog niya at pagkatapos, papatayin niya sa may pintuan ng Toldang Tipanan. At iwiwisik ng mga paring mula sa angkan ni Aaron ang dugo nito sa paligid ng altar. ³ Kukuha ang pari ng bahagi na susunugin niya para sa Panginoon. Kukunin niya ang lahat ng taba na nasa loob ng tiyan, at ang nasa lamang-loob, ⁴ ang mga bato^[a] at ang taba nito, pati na ang maliit na bahagi ng atay.