Lik 11:45-47

Nouvo Testaman: Vèsyon Kreyòl Fasil

⁴⁵ Apre sa, youn nan direktè Lalwa yo pran lapawòl li di: “Mèt, lè ou ap di bagay sa yo ou ensilte nou tou wi nou menm.”

⁴⁶ Jezi reponn li: “Malè pou nou tou nou menm direktè Lalwa yo, paske nou fè yon pakèt lwa ki difisil pou moun obeyi, epi nou oblije pèp la obeyi yo.^[a] Alòske nou menm, nou p ap menm eseye fè sa lwa sa yo mande. ⁴⁷ Malè pou nou paske nou bati bèl tonm pou pwofèt yo, men, se zansèt nou yo ki te touye yo.