Lik 13:31-33

Nouvo Testaman: Vèsyon Kreyòl Fasil

Jezi gen pou l mouri nan Jerizalèm

(Mat 23:37-39)

³¹ Menm lè a, kèk Farizyen pwoche kote Jezi, yo di li: “Chape poul ou! Pati kite zòn nan, paske Ewòd vle touye w.”

³² Jezi reponn yo: “Al di chat mawon^[a] yo rele Ewòd la m ap chase denmon, m ap geri malad jodi ak demen. Sou twazyèm jou a, m ap fin fè travay mwen. ³³ Apre sa, mwen prale, paske li pa nòmal pou yon pwofèt mouri deyò lavil Jerizalèm.