Lik 2:19-21

Nouvo Testaman: Vèsyon Kreyòl Fasil

¹⁹ Mari menm te kenbe bagay sa yo nan tèt li. Li pa t sispann reflechi sou yo. ²⁰ Bèje yo te retounen kote mouton yo te ye a, yo t ap fè lwanj Bondye epi yo t ap remèsye li pou tout sa yo te wè ak sa yo te tande. Tout bagay yo te egzakteman jan anj lan te di yo a.

²¹ Lè ti bebe a te gen uit jou, yo te sikonsi li, epi yo te ba l non Jezi. Se non sa a anj lan te bay depi menm anvan Mari te ansent pitit la.