Lucas 1:14-16

Ang Bagong Tipan: Filipino Standard Version

¹⁴ Matutuwa ka at magagalak, at marami ring matutuwa sa kanyang pagsilang. ¹⁵ Sapagkat siya'y magiging dakila sa harapan ng Panginoon. Hinding-hindi siya iinom ng alak o ng inuming nakalalasing. Sa sinapupunan pa lamang ng kanyang ina ay mapupuspos na siya ng Banal na Espiritu. ¹⁶ Marami sa mga anak ni Israel ang aakayin niyang magbalik-loob sa Panginoon nilang Diyos.