Lucas 10:16-18

Magandang Balita Biblia (with Deuterocanon)

¹⁶ Sinabi ni Jesus sa kanyang mga alagad, “Ang^(A) nakikinig sa inyo ay sa akin nakikinig, ang nagtatakwil sa inyo ay nagtatakwil sa akin, at ang nagtatakwil sa akin ay nagtatakwil sa nagsugo sa akin.”

Bumalik ang Pitumpu't Dalawa

¹⁷ Masayang-masayang bumalik ang pitumpu't dalawa.^[a] Iniulat nila, “Panginoon, kahit po ang mga demonyo ay napapasunod namin dahil sa kapangyarihan ng inyong pangalan.”

¹⁸ Sinabi sa kanila ni Jesus, “Nakita kong parang kidlat na nahulog si Satanas mula sa langit.