Lucas 10:37-39

Ang Biblia (1978)

³⁷ At sinabi niya, Ang nagkaawanggawa sa kaniya. At sinabi sa kaniya ni Jesus, Humayo ka, at gayon din ang gawin mo.

³⁸ Sa pagyaon nga nila sa kanilang lakad, ay pumasok siya sa isang nayon: at isang babaing nagngangalang ^(A)Marta, ay tinanggap siya sa kaniyang bahay.

³⁹ At siya'y may isang kapatid na tinatawag na ^(B)Maria, na ^(C)naupo rin naman sa mga paanan ng Panginoon, at pinakikinggan ang kaniyang salita.