Lucas 11:37-39

Ang Biblia, 2001

Tinuligsa ni Jesus ang mga Fariseo at ang mga Dalubhasa sa Kautusan^(A)

³⁷ Samantalang siya'y nagsasalita, inanyayahan siya ng isang Fariseo na kumaing kasalo niya. Kaya't siya'y pumasok at naupo sa hapag-kainan.

³⁸ Ang Fariseo ay nagtaka nang makita si Jesus na hindi muna naghugas bago kumain.

³⁹ Sinabi sa kanya ng Panginoon, “Kayong mga Fariseo, nililinis ninyo ang labas ng tasa at ng pinggan, subalit sa loob kayo'y punô ng kasakiman at kasamaan.