Lucas 11:37-39

Ang Salita ng Dios (Tagalog Contemporary Bible)

Tinuligsa ni Jesus ang mga Pariseo at mga Tagapagturo ng Kautusan^(A)

³⁷ Pagkatapos magsalita ni Jesus, inanyayahan siya ng isang Pariseo na kumain sa kanila. Kaya pumunta si Jesus at kumain. ³⁸ Nagtaka ang Pariseo nang makita niyang hindi muna naghugas ng kamay si Jesus bago kumain ayon sa seremonya ng mga Judio. ³⁹ Kaya sinabi sa kanya ni Jesus, “Kayong mga Pariseo, nililinis ninyo ang labas ng tasa at pinggan, pero ang loob ninyoʼy punong-puno ng kasakiman at kasamaan.