Lucas 12:25-27

Magandang Balita Biblia (with Deuterocanon)

²⁵ Sino sa inyo ang makakapagdagdag sa kanyang buhay^[a] ng kahit isang oras dahil sa pagkabalisa? ²⁶ Kung hindi ninyo magawâ ang ganoong kaliit na bagay, bakit kayo nababalisa tungkol sa ibang mga bagay? ²⁷ Tingnan^(A) ninyo ang mga bulaklak sa parang kung paano sila lumalago. Hindi sila nagtatrabaho ni humahabi man. Ngunit sinasabi ko sa inyo, kahit si Solomon sa kanyang karangyaan ay hindi nakapagdamit ng singganda ng isa sa mga bulaklak na ito.