Lucas 12:47-49

Ang Biblia, 2001

⁴⁷ At ang aliping iyon na nakakaalam ng kalooban ng kanyang panginoon, ngunit hindi naghanda at hindi ginawa ang ayon sa kalooban nito ay papaluin nang marami.

⁴⁸ Subalit ang hindi nakakaalam at gumawa ng mga bagay na karapat-dapat sa mga palo ay papaluin ng kaunti. Ngunit sa bawat binigyan ng marami ay marami ang hihingin sa kanya, at sa kanya na pinagkatiwalaan ng marami ay higit na marami ang kanilang hihingin sa kanya.

Si Jesus ang Sanhi ng Pagkakabaha-bahagi^(A)

⁴⁹ “Ako'y naparito upang maghagis ng apoy sa lupa at nais ko sana na ito ay nagniningas na!