Lucas 17:7-9

Ang Biblia, 2001

Katungkulan ng Isang Lingkod

⁷ “Sino sa inyo, na mayroong aliping nag-aararo o nag-aalaga ng mga tupa ang magsasabi sa kanya pagkagaling sa bukid, ‘Pumarito ka agad at maupo sa hapag ng pagkain.’

⁸ Sa halip, hindi ba niya sasabihin sa kanya, ‘Ipaghanda mo ako ng hapunan, magbigkis ka, paglingkuran mo ako, hanggang sa ako'y makakain at makainom, pagkatapos ay kumain ka at uminom’?

⁹ Pinasasalamatan ba niya ang alipin, sapagkat ginawa niya ang iniutos sa kanya?