Lucas 18:31-33

Ang Salita ng Diyos

Binanggit Muli ni Jesus ang Kaniyang Kamatayan

³¹ Pagkatipon ni Jesus sa kaniyang labindalawang alagad, sinabi niya sa kanila: Narito, aahon tayo sa Jerusalem. Magaganap ang lahat ng mga bagay na isinulat ng mga propeta patungkol sa Anak ng Tao.

³² Ito ay sapagkat ibibigay siya sa mga Gentil at siya ay kukutyain, aalimurain at duduraan. ³³ Siya ay kanilang hahagupitin at papatayin at sa ikatlong araw, siya ay muling babangon.