Lucas 19:11-13

Ang Bagong Tipan: Filipino Standard Version

Ang Talinghaga ng Sampung Gintong Salapi^(A)

¹¹ Habang pinakikinggan nila ang mga ito, isinalaysay pa ni Jesus ang isang talinghaga, sapagkat malapit na siya sa Jerusalem at inaakala nilang ang paghahari ng Diyos ay kaagad mahahayag. ¹² Kaya sinabi niya, “Isang maharlikang tao ang pumunta sa malayong lugar upang maging hari, at pagkatapos ay bumalik. ¹³ Bago umalis, tinawag niya ang sampu niyang alipin, binigyan ang mga ito ng gintong salapi^[a] at sinabi sa kanila, ‘Gamitin ninyo ito sa negosyo hanggang sa aking pagbabalik.’