Lucas 21:5-7

Ang Salita ng Dios (Tagalog Contemporary Bible)

Sinabi ni Jesus ang tungkol sa Pagkawasak ng Templo^(A)

⁵ May ilan doon na nag-uusap tungkol sa mga mamahaling bato ng templo at mga palamuti nito na inihandog ng mga tao. Sinabi sa kanila ni Jesus, ⁶ “Darating ang araw na ang lahat ng nakikita ninyong iyan ay magigiba at walang maiiwang bato na magkapatong.”

Mga Paghihirap at Pag-uusig na Darating^(B)

⁷ Tinanong nila si Jesus, “Guro, kailan po mangyayari ang sinabi ninyo? At ano ang mga palatandaan kung malapit nang mangyari iyon?”