Lucas 21:9-11

Magandang Balita Biblia (with Deuterocanon)

⁹ Huwag kayong matatakot kung makabalita man kayo ng mga digmaan at mga himagsikan. Dapat munang mangyari ang mga iyon subalit hindi kaagad darating ang wakas.” ¹⁰ At sinabi pa niya, “Maglalaban-laban ang mga bansa at ang mga kaharian. ¹¹ Magkakaroon ng malalakas na lindol, taggutom at mga salot sa iba't ibang dako. May lilitaw na mga kakaibang bagay at mga kakila-kilabot na kababalaghan buhat sa langit.