Lucas 23:14-16

Ang Bagong Tipan: Filipino Standard Version

¹⁴ Sinabi niya sa kanila, “Dinala ninyo sa akin ang taong ito na parang nang-uudyok sa taong-bayan na maghimagsik. Pakinggan ninyo: ako ang nagsiyasat sa kanya sa inyong harapan at hindi ko matagpuang nagkasala ang taong ito ng ano mang bintang ninyo sa kanya. ¹⁵ Gayundin si Herodes, kaya ibinalik niya ang taong ito sa atin. Ang taong ito'y walang ginawang nararapat sa parusang kamatayan. ¹⁶ Kaya ipahahagupit ko na lamang siya at pagkatapos ay palalayain.”