Lucas 23:21-23

Ang Bagong Tipan: Filipino Standard Version

²¹ Subalit nagsigawan ang mga tao, “Ipako siya sa krus! Ipako siya sa krus!” ²² Kaya't nagsalita siya sa kanila sa ikatlong pagkakataon, “Bakit? Ano'ng ginawang masama ng taong ito? Wala akong matagpuang sala sa kanya na karapat-dapat sa parusang kamatayan. Kaya matapos ko siyang ipahagupit, siya'y aking palalayain.” ²³ Ngunit patuloy silang nagsigawan at nagpilit hinging ipako sa krus si Jesus. At nanaig ang kanilang mga tinig.