Lucas 23:44-46

Ang Bagong Tipan: Filipino Standard Version

Ang Kamatayan ni Jesus^(A)

⁴⁴ Noon ay magtatanghaling-tapat na,^[a] at ang buong lupain ay nabalot ng dilim hanggang ikatlo ng hapon.^{[b] 45} Nawalan ng liwanag ang araw at ang tabing ng templo ay nahati sa dalawa. ⁴⁶ Sumigaw nang malakas si Jesus, “Ama, sa iyong mga kamay, ipinagkakatiwala ko ang aking espiritu!” At pagkasabi nito'y nalagutan siya ng hininga.