Lucas 23:5-7

Ang Salita ng Dios (Tagalog Contemporary Bible)

⁵ Pero mapilit sila at sinabing, “Ginugulo niya ang mga tao sa buong Judea sa pamamagitan ng mga turo niya. Nagsimula siya sa Galilea at narito na siya ngayon sa Jerusalem.”

Dinala naman si Jesus kay Herodes

⁶ Nang marinig ito ni Pilato, itinanong niya kung taga-Galilea si Jesus. ⁷ At nang malaman niyang mula nga siya sa Galilea, ipinadala niya si Jesus kay Herodes, na nasa Jerusalem noon, dahil sakop nito ang Galilea.