Lucas 23:5-7

Magandang Balita Biblia (with Deuterocanon)

⁵ Ngunit iginiit nila, “Sa kanyang pagtuturo ay inuudyukan niyang maghimagsik ang mga taga-Judea. Nagsimula siya sa Galilea at ngayo'y narito na.”

Sa Harapan ni Herodes

⁶ Nang marinig ito ni Pilato, itinanong niya kung si Jesus ay taga-Galilea nga. ⁷ At nang malaman niyang si Jesus ay sakop ni Haring Herodes, ipinadala niya si Jesus kay Herodes, na nagkataon namang nasa Jerusalem nang mga araw na iyon.