Lucas 23:9-11

Ang Salita ng Dios (Tagalog Contemporary Bible)

⁹ Marami siyang itinanong kay Jesus, pero hindi ito sumagot. ¹⁰ Samantala, patuloy na isinisigaw ng mga namamahalang pari at ng mga tagapagturo ng Kautusan ang mga paratang nila laban kay Jesus. ¹¹ Hinamak at ininsulto ni Herodes at ng mga sundalo niya si Jesus. Sinuotan nila siya ng magandang damit bilang pagkutya sa kanya, at saka ibinalik kay Pilato.