Lucas 5:27-29

Magandang Balita Biblia (with Deuterocanon)

Ang Pagtawag kay Levi^(A)

²⁷ Pagkatapos nito'y lumabas si Jesus at nakita niya si Levi, isang maniningil ng buwis, na nakaupo sa tanggapan ng buwis. Sinabi sa kanya ni Jesus, “Sumunod ka sa akin.” ²⁸ Tumayo nga si Levi, iniwan ang lahat, at sumunod kay Jesus.

²⁹ Si Jesus ay hinandugan ni Levi ng isang malaking handaan sa kanyang bahay. Kasalo niya roon ang maraming maniningil ng buwis at iba pang mga tao.