Lucas 7:36-38

Ang Biblia, 2001

Si Jesus sa Tahanan ni Simon na Fariseo

³⁶ Isa sa mga Fariseo ay humiling kay Jesus^[a] na kumaing kasalo niya, at pagpasok niya sa bahay ng Fariseo siya'y naupo sa hapag.

³⁷ Nang^(A) malaman ng isang babaing makasalanan sa lunsod na siya'y nakaupo sa hapag sa bahay ng Fariseo, nagdala ito ng isang sisidlang alabastro na may pabango.

³⁸ At tumayo siyang umiiyak sa likuran sa may paanan ni Jesus.^[b] Pinasimulan niyang basain ang kanyang mga paa ng kanyang mga luha, pinunasan ang mga ito ng kanyang buhok. Patuloy niyang hinagkan ang mga paa ni Jesus^[c] at binuhusan ang mga ito ng pabango.