Lucas 8:11-13

Magandang Balita Biblia

Ang Paliwanag tungkol sa Talinghaga^(A)

¹¹ “Ito ang kahulugan ng talinghaga: ang binhi ay ang Salita ng Diyos. ¹² Ang mga binhing nalaglag sa tabi ng daan ay ang mga taong nakikinig. Dumating ang diyablo at inalis nito ang Salita mula sa puso ng mga nakikinig upang hindi sila manalig at maligtas. ¹³ Ang mga nalaglag naman sa batuhan ay ang mga nakarinig ng Salita at tumanggap nito nang may kagalakan, ngunit hindi ito nag-ugat sa kanilang puso. Sandali lamang silang naniwala, kaya't pagdating ng pagsubok, sila'y tumitiwalag.