Lucas 8:51-53

Ang Salita ng Diyos

⁵¹ Pagpasok niya sa bahay, hindi niya pinahintulutan pumasok ang sinuman. Ang pinapasok lang niya ay sina Pedro, Santiago at Juan at ang ina at ama ng bata. ⁵² Silang lahat ay nananangis at nananaghoy sa kaniya. Sinabi ni Jesus: Huwag kayong tumangis. Hindi siya patay kundi natutulog.

⁵³ Tinawanan nila si Jesus na may panglilibak dahil alam nilang ang bata ay patay na.