Lucas 9:33-35

Ang Salita ng Dios (Tagalog Contemporary Bible)

³³ Nang paalis na ang dalawang lalaki, sinabi ni Pedro kay Jesus, “Guro, mabuti poʼt narito kami.^[a] Gagawa po kami ng tatlong kubol:^[b] isa para sa inyo, isa para kay Moises at isa para kay Elias.” (Ang totoo, hindi niya alam ang sinasabi niya.) ³⁴ At habang nagsasalita pa si Pedro, tinakpan sila ng ulap at natakot sila. ³⁵ May narinig silang tinig mula sa ulap na nagsasabi, “Ito ang aking Anak, na aking pinili. Pakinggan ninyo siya!”