Lucas 9:33-35

Magandang Balita Biblia

³³ Nang papaalis na ang mga lalaki, sinabi ni Pedro, “Panginoon, mabuti po at nandito kami. Magtatayo po kami ng tatlong tolda, isa para sa inyo, isa kay Moises, at isa kay Elias.”—ngunit hindi niya nalalaman ang kanyang sinasabi. ³⁴ Nagsasalita pa siya nang liliman sila ng ulap, at natakot sila nang matakpan sila nito. ³⁵ May isang^(A) tinig na nagsalita mula sa ulap, “Ito ang aking Anak, ang aking Hinirang.^[a] Pakinggan ninyo siya!”