Luka 22:51-53

Agano Jipya: Tafsiri ya Kusoma-Kwa-Urahisi

⁵¹ Yesu akasema, “Acha!” Kisha akaligusa sikio la mtumishi na akamponya.

⁵² Yesu akaliambia lile kundi lililokuja kumkamata. Walikuwa viongozi wa makuhani, viongozi wa wazee wa Kiyahudi na askari walinzi wa Hekalu. Akawaambia, “Kwa nini mmekuja hapa mkiwa na mapanga na marungu? Mnadhani mimi ni mhalifu? ⁵³ Nilikuwa pamoja nanyi kila siku katika eneo la Hekalu. Kwa nini hamkujaribu kunikamata pale? Lakini sasa ni wakati wenu, wakati ambao giza linatawala.”